| 今日去左香港第二高峰鳳凰山 行在3個鐘，唔算行得耐，但d路都幾難行......仲要勁大霧，d梯級又多碎石又斜，落山時一個唔小心，真係好易碌落山 -.- 
開頭見到得果2個半鐘路程，諗住好易搞掂，點知......開頭都仲可以，點知越行越難行，中途仲見到有人放棄，掉頭落返山。
 
大霧到呢......
傳說中o既南天門
 
終於上到去~934米~
 
d路真係唔係路...仲要好大霧，個地仲要濕濕地...落山真係要份外小心
傳說中o既天梯? (落呢條梯真係攞命)
跌落去死硬 XD
  
到末段，d霧終於散咁d，亦都可以影下相
到昂平啦~
 
|
| |
| 今日頂唔順，7點鐘已經走左...... 終於病了...感冒...發燒...... 月尾計返，原來今個月OT左50個鐘...... 好彩係放假前先病，返工先病的話真係死得啦 |
| |
| 就黎夜晚十一點啦......我真係好想知，點解我o係屋企，食完飯，都仲要對住同埋做公司o既野..........o係公司已經做左十個鐘架啦，返到屋企都仲要繼續做.......... 究竟呢d係咪好平常o既事，係咪只係我唔慣......  |
| |
| 點解...點解d野可以做極都做唔完....... 今日做到十二點幾先放工，足足做左15個鐘，冇休息過，連晚飯都冇食，返到屋企已經一點幾，跟住先食晚飯......但係d野都係未做完...... 個工作表已經排到出年2月啦......  如果d野係冇deadline就好了 |
| |
| 頭先出左去UA時代，用公司o既免費戲飛睇建國大業，都幾悶下(黎明同趙薇都係出左黎講幾句野就拜拜，劉德華都好d，可以講到10句對白左右) =.= 不過我重點唔係想講呢樣，話說我入戲院前去左時代food court隔離個廁所，唔知點解個廁所好多人啦，都要等十幾秒先有得去到，女廁更加唔駛講，幾十人排隊。跟住我等左一陣，去緊o既時候，有個男人入左黎話'aiya，好急呀...'，跟住我望一望見到佢行左去廁所個角落位到拉褲鏈 -.- 我好好奇，明明果到冇尿兜，佢拉黎做乜，仲要同另一個男人迫到咁埋(個男人用緊個尿兜方便緊)....... 無幾耐...我就見到成個地下濕哂啦......我望清楚，原來條友係直接痾落地下，what the fuck 果時全場人都O左咀同望住佢，但係個男人就若無其事咁繼續痾，企佢隔離個男人儘管未痾完都彈開左，因為已經開始俾佢d尿彈到同地下d水開始掂到佢隻腳啦 =.= 離開廁所後，我心諗，唔通等多十幾秒都會死?如果係咁，女廁出面條長龍，個個女人都學佢咁咪會水浸? 呢個世界真係咩人都有，sosad  好~食完飯出去維園啦~大家中秋節快樂~~~ |
| |
